2016年8月12日 星期五

Friday's pick/周五挑 vol. 22 – Judah

Bom Voyage FB page每逢星期五3pm都會刊登“Friday's pick/周五挑” 環節,介紹一下本地樂手/樂隊!

今次犀利喇! 搵到香港首屈一指既cajon (木箱鼓)導師兼acoustic組合"Starry Morning"成員Judah sir同大家分享一下佢喺呢幾年間既一d經歷同難忘事! 

(BV = Bom Voyage J = Judah)

BV: 你當年引入台灣牌子Stand Cajon, 從而令到更多香港既朋友認識同接觸到cajon。 你覺得自己喺推動cajon上貢獻大嗎?
J: 如果說到貢獻就太言重了,一開始引入StandCajon只是覺得這個品牌的音色很好,價錢又抵玩,很想將這個品牌帶來香港同大家分享,那時候木箱鼓在香港還未流行,只是自己覺得好玩而已。

BV: 不如講解一下你同cajon既淵源丫? 點解會睇中呢個樂器? 當時有冇估計佢能唔能夠喺香港普及?
J:.其實我以前在Ukulele專門店工作,很喜歡彈ukulele,在YouTube上看到一條ukulele同木箱鼓合奏的片,而發現這個樂器。坐左一個木箱上面拍下拍下就有鼓聲,好似好簡單易玩,就在網上找這個樂器的資料,在機緣巧合之下認識了台灣StandCajon 的師傅,就展開了自己打木箱鼓的人生。起初我只是覺得好玩,沒有想到後來在香港流行起打Cajon,木箱鼓還成為了我的職業。

BV: 除左教cajon同ukulele之外,你亦都上過唔少media介紹cajon,亦有同過唔同既artists合作。不如分享下你印象最深刻既經歷?
J: 如果要說最深刻的合作,就是早幾個月為電影「脫皮爸爸」做音樂顧問。在片場見到古天樂吳鎮宇田蕊妮,導演安排我教Sam哥彈ukulele,仲有同阿田蔡潔彈著ukulele排舞,嚟個經驗真係開心到發夢都笑醒。

BV: 由一位band友搖身一變成為一位玩cajon既文青。Cajon係唔係你最喜歡或擅長既樂器? 自己都係比較喜歡acoustic music嗎?
J: 其實以前我的樂隊玩PunkRock,我是主唱歌手,可能年紀大左音樂口味也改變了。現在玩Acoustic音樂好像比較有心動的感覺,雖然打木箱鼓的技術還不算很好,但已經是我最擅長的樂器了,哈哈。

BV: 呢幾年間,由以前既Merry go round至到今日既Starry Morning,樂隊轉了,隊友亦唔同了… 自己對音樂既態度或心態有冇唔同到?
J: 其實夾band都好講緣份,MerryGoRound曾經是香港清新樂隊的一份子,村上春樹有本短篇小說叫「迴旋木馬的終結」,人不能太懷緬過去。 由零開始去建立新的樂隊真的有點吃力,但我就是很喜歡夾band的感覺。StarryMorning尚在初步探索音樂上的走向,風格還未成形,嚟緊目標先寫多幾首自己的歌,目標希望簽公司正式出道。

BV: 好多人都覺得喺香港攪音樂,甚至玩音樂,都同樣咁困難! 呢方面你認同嗎? 你能夠以音樂作為自己既職業,覺得自己算唔算幸運?
J: 近來政府打壓工廈,Hidden Agenda搬左幾次,香港樂隊連工廈夾band都冇自由,音樂的路唔容易行。 而我自己好感恩能夠全職在香港推廣Cajon,多謝好多好朋友支持,來我地工作室買樂器學樂器,每日工作做自己喜歡的事情,再倦也不覺苦。

BV: 黎緊有咩個人大計呀?
J:今年成立了新公司MusicRider,除了StandCajon,將會引入其他品牌的樂器,更多木箱鼓配件,希望為香港朋友提供高性價比的樂器,請大家多多支持。


























FB page:
https://www.facebook.com/starrymorningmusic/?fref=ts


https://www.facebook.com/standcajonhk/?fref=ts 

2016年8月4日 星期四

Friday's pick/周五挑 vol. 21 – Miriam馬晧敏

Bom Voyage FB page每逢星期五3pm都會刊登“Friday's pick/周五挑” 環節,介紹一下本地樂手/樂隊!

今次要介紹既係一位真係不得了既本地女聲。 佢叫馬晧敏,Miriam! 佢亦係樂隊Hippogroove既vocal呀!

小編早年曾跟Miriam有過一次合作機會,當時已經留下頗深刻既印象。 直至近年於唔同場合/Youtube聽到Miriam既歌聲之後,真心覺得佢真係好正! 本身小編同唔少朋友都以為佢係mix,或唔係純香港人 (香港女聲好少咁有爆炸力,你懂的!) 但原來Miriam係100%堅。香港人呀!



(BV = Bom Voyage M = Miriam)

BV: 幾時開始知道自己鍾意唱歌或者自己有呢個potential?
M: 鍾意唱歌是從小就開始了。還記得2,3歲時,跟住電視唱梅艷芳 Madonna。4歲開始唱 香港兒童合唱團 一直到離開香港。到了美國也一直有唱合唱團 有參加 musical performances。上大學也曾經主修過兩年音樂(鋼琴和聲樂)

BV:  幾時開始知道自己鍾意唱歌或者自己有呢個potential?
M: 有potential的話...haha...only after 參加了中國好聲音4。其實一直都不相信自己會有 "聽眾"。因為從小到大,都沒什麼信心,而且稱讚我的都是家人朋友。所以自己會覺得他們讚我是理所當然的。好聲音是真真正正第一次聽到「陌生人」(而且是音樂人)對自己的讚賞

BV: 中國好聲音4算唔算係你人生既一個轉捩點?
M: 絕對係! 就是好聲音之後 我才quit了corporate job,決定走音樂路。現時主要以教音樂 同唱歌為主,我實在好喜歡教人唱歌!

BV: 咁你係幾時開始加入Hippogroove? 有冇d一拍即合既感覺?
M: 也是因為好聲音的關係,間接認識了他們。先認識 Jonathan (drummer) and Ming (bassist),應該一年多前吧! 簡直是一拍即合到無朋友!



BV: 你比較喜歡同band一齊演出定自己個人演出?
M: 當然係同band啦!

BV: 黎緊Hippogroove會唔會寫多d自己歌同計劃出碟?
M: 寫歌一定會,夠歌既話都會計劃出碟架!

BV: 如果而家要你揀一隻歌再參加比賽,又或者好岩你唱既,你會揀邊隻?
M: 我會揀蘇芮既 “是否”,呢隻都係我daddy既favorite song!




FB page: 

Youtube channel: 
https://www.youtube.com/user/miriamma1