顯示具有 Hong Kong Band 標籤的文章。 顯示所有文章
顯示具有 Hong Kong Band 標籤的文章。 顯示所有文章

2016年6月2日 星期四

Bom Voyage x Diva Bar presents: Groove Yourself Tonight

<<Bom Voyage x Diva Bar presents: Groove Yourself Tonight>>

黎緊又有show睇喇! 今次以groovy & funky音樂為主題!
好開心邀請到本地funk band班霸「Site Access」，人氣樂隊「Another Kitchen」，同埋分別喺今年「全港青少年樂隊比賽2016」分別嬴得學生同公開組冠軍既「檸檬雞脾」同「Waterfunk」
想享受一個最un最groove既星期六夜晚，就記得叫埋親朋好友7月2日晚一齊黎到Focal Fair睇show喇!

Bom Voyage x Diva Bar presents: Groove Yourself Tonight
Date: Jul 2 2016 (Sat)
Time: 7pm to 10:30pm
Venue: Focal Fair (Address: 28/F, Park Avenue Tower, 5 Moreton Terrace, Causeway Bay)
Admission fee:
HKD 90 (Advance) includes one free drink
HKD 120 (Door) includes one free drink:

Advance tickets available at:

Diva Bar:
G/F, 10A Whitfield Road, Tin Hau

Beat MMM:
Room C, 2/F, 38-40 Granville Road, Tsim Sha Tsui

Ticketflap:
http://www.ticketflap.com/zh/grooveyourselftonight

Sponsored by Diva.Bar , Beat MMM & Monster Audio







張貼者： 於 沒有留言:
標籤： , , , , , , , , , , , , , , , ,

2016年5月27日 星期五

Friday's pick/周五挑 vol. 12 - 異仁

Bom Voyage FB page每逢星期五3pm都會刊登“Friday's pick/周五挑” 環節，介紹一下本地樂手/樂隊!
今日介紹既樂隊係異仁! 異仁可以解作二人，亦可以解作 "兩位奇人異士。用"二人"形容呢個二人男女組合，當然非常貼切啦! 咁究竟佢地兩位又有幾奇異呢? 不如睇睇佢地點講啦!
(BV = Bom Voyage 8 = 8@異仁，H= Hya@異仁)
BV: 你地形容異仁係“奇人異士” 你地認為自己最奇異既係邊方面?
8: 最奇異係左揾右揾都係兩個人，但聲音除左人聲結他聲仲有好多種。我地喜歡揀d 一般busker唔會揀既歌，用d 正常人唔用既手法改編正常既歌。
BV: 講講你地既組成經過丫!
H: 由以往3人樂隊年代High&Low(Guitar Vocal Cajon) ，基於成員各自既發展，後來只剩下我自己和新成員8 成為今日既異仁。重組之後，我地係兩個人既創造上揾到想要既聲音，就算好多合作夥伴問我地會唔會加人，我地都堅持異仁造出黎既效果。雖然係二，但絕對唔止二。
BV: 你地主要都係重新改編一D cover歌黎玩, 有冇都玩原創或會創作更多自己既作品呢?
8: 有，其實我地最近一兩個月閉關創作中。暫時3首寫緊一d香港人生活既主題，希望將來個題材範圍更廣。
BV: 你地係唔係一開始就係以acoustic group形成出現? 香港近年越來越多玩小清新既acoustic groups, 同時亦越來越多busker出現! 你地覺得最主要係因為土地問題, 口味問題定有冇其他原因?
8: 係，不過其實兩位成員以前都是玩Full Band的，不過要搵到真心為音樂付出時間精神甚至金錢的人不多，而有時候兩個人要約練習或者做任何決定都會比人多容易，所以最後就決定這樣行了。
H: 越見到勇敢既人出黎，就會有越多人更加覺得自己都做得到，對於香港黎講，越多音樂人都係件好事。 當然acoustic 本身係種帶到舒服感覺俾人地既音樂，但我地係acoustic之上自己希望添加更多新元素，亦會跳出清新既口味，唔想再令聽眾局限於以往對acoustic既印象。 就好似Jelly Bean有好多口味，但我地就係個種奇怪口味。
BV: 最喜歡香港邊d acoustic groups/歌手?
H: 盧冠廷！所有人都可以玩音樂，但一直堅持自己初衷既唔多。欣賞佢既堅持！
BV: 黎緊有咩大計?
8: 好希望好希望搞到一場自己既音樂會，除左異仁，仲會有異仁+既出現(即係更多樂手既版本)












張貼者： 於 沒有留言:
標籤： , , , , ,

2016年5月20日 星期五

Friday's pick/周五挑 vol. 11 - 紫葵

Bom Voyage FB page每逢星期五3pm都會刊登“Friday's pick/周五挑” 環節，介紹一下本地樂手/樂隊!
今日介紹既樂隊係紫葵! 喜歡J rock既佢地，同時都受到古典音樂既影響。加入小提琴音樂元素既rock band，香港並唔常見! 想了解佢地更多，就快d click入去睇下啦!



張貼者： 於 沒有留言:
標籤： , , , ,

2016年3月25日 星期五

Friday's pick/周五挑 vol. 3 - Muffy

Bom Voyage FB page每逢星期五3pm都會刊登“Friday's pick/周五挑” 環節，紹一下本地樂手/樂隊

 今日要介紹既係近年無論音樂風格同形象都慢慢轉形既Muffy!

究竟點解佢地會"捨棄" 日系既風格? 佢地咁多女仔，夾band時會唔會嗌交呢? 佢地黎緊又會有咩大計呢?
想知道更多就要快d收睇佢地既訪問喇! 再次多謝佢地百忙中抽時間拍攝呢個訪問video!


張貼者： 於 沒有留言:
標籤： , , , ,

2016年3月18日 星期五

Friday's pick/周五挑 vol. 2 - UTURN

Bom Voyage FB page每逢星期五3pm都會刊登“Friday's pick/周五挑” 環節，紹一下本地樂手/樂隊

 今日要介紹既係， 組成雖然只有一年幾既時間，但已經擁有豐富演出經驗既UTURN!
(BV = Bom Voyage U=UTURN)

BV: 點解你地會叫UTURN嘅? 可唔可以介紹一下你地?
U: UTURN呢個名其實係好隨意咁改嘅，當時隊長、鼓手同主音去食宵夜，傾傾下偈就諗下不如改番個隊名啦。但係當時諗左好多個名都覺得唔係好啱feel，之後隊長見到個「不准掉頭」嘅指示牌，就改左呢個名。我地改呢個名，其實係因為我地幾個本身夾band嘅日子都唔短，但係好似夾嚟夾去都好似喺同一個位置，覺得前面嘅路好難行，依家可以抽番個身出嚟用另一個方法繼續行落去。我地有五位成員，分別係隊長Bass手Logout（范文浩）、結他手傑（楊樂傑）、鼓手Zenith（任立業）、鍵琴手Bryan（胡顥耀）同主音Stephen（梁浩銓）。

BV: 你地只係組成左一年多少少, 但已經有唔少既演出機會！可唔可以過幾招比香港既樂隊，可以從咩途徑搵到多d演出機會？
U: 過幾招又唔敢講，但係好好彩組成初期已經有機會參與好多唔同類型嘅大型演出活動，例如舞台劇、音樂節、啤酒節，及週年晚宴等等。其實除左樂隊本身嘅基本功要好，亦都需要同其他單位有良好嘅溝通技巧，了解客戶或者機構嘅要求，從而商議演出內容，同時要多創作樂隊的原創歌曲，因為樂隊本來的賣點就是其創作。

BV: 你地覺得呢幾年band界有d咩變化?
U: 呢幾年band界嘅變化頗大，好多本身夾左好一段日子嘅band突然重組或者解散，甚至有好多本來好活躍嘅band會突然好似人間蒸發左咁，好似對夾band呢件事冇晒熱情咁。不過近年最影響樂隊界生態嘅事，就係有好多樂隊都以「免費演出」作條件搏取演出機會，而且情況非常嚴重。我地認為機構或單位會付出合理酬勞邀請佢地想請嘅樂隊，而因為免費樂隊嘅出現，就會俾左一個錯覺大家，其實請樂隊唔駛錢。

BV: 2016年你地會有咩大計?
U: 我地今年嘅大計，就係推出我地嘅樂隊EP，同攪我地第一個音樂會。雖然暫時我地嘅歌唔足以完成一個音樂會，但係我地會繼續寫更多唔同類型嘅作品，滿足我地呢個願望。

BV: UTURN有冇d咩野係好希望可以做到，但目前黎講仍然未實現架？
U: 除左出碟之外，暫時我地最想實現嘅目標就係有一個屬於自己團隊嘅工作室。因為有一個自己嘅地方真係好方便，仲可以邀請朋友上嚟交流音樂，或者一齊傾下偈。玩音樂其實都係為左開心，希望大家都可以透過音樂得到愉快嘅時光。


張貼者： 於 沒有留言:
標籤： , ,

2016年3月11日 星期五

Friday's pick/周五挑 vol. 1 - Narcissus

由今個星期開始， Bom Voyage FB page每逢星期五3pm都會刊登“Friday's pick/周五挑” 環節，紹一下本地樂手/樂隊

今日要介紹既係成軍8年， 剛剛於fullcup music舉行左佢地個人音樂會既日系rock band，Narcissus 水仙樂團 

(BV = Bom Voyage N = Narcissus)

BV: 不如介紹一下你地樂隊同埋組成經過?
N: 我地係以希臘神話裡面嘅美少年Narcissus命名的樂隊，以豐富華麗嘅搖滾曲風展示屬於我地嘅音樂。
關於Narcissus，亦稱為水仙，亦有自戀狂嘅意思，因為美少年"納西塞斯”愛上自己水中嘅倒影不肯離開，枯坐湖邊而死。所以這花表示對愛情期盼與執著，有著堅貞不渝嘅意思。
我地本身已經夾左8年，我同結他手輝係元老，初初係朋友介紹認識而組成。組成左大約幾年之後貝斯手同鼓手相繼離隊，之後由朋友介紹認識左琴手Jasmine同鼓手清同當時嘅貝斯手。當貝斯手再次離隊之後，七瀨就去邀請以前就認識既貝斯手安加入，就變成而家呢個陣容。

BV: 剛剛喺Fullcup舉行左你地既個人音樂會, 你地用左幾多時間黎準備呀? 對於今次既音樂會, 你地有咩感想?
N: 其實正式黎講我地準備左兩個月左右，因為喺今次嘅音樂會我地都想發表我地既新歌“月華”，所以大部時間都用左喺準備新歌上面。
今次嘅個人音樂會比我地預期中反應好，fullcup既工作人員都俾左好多support我地，成個rundown都幾順暢，大家都好enjoy呢場show，同時都感謝Once做我地既guest band。

BV: 2016年你地會有咩大計?
N: 今年會推出我地第一隻MV，同埋預計會推出我地既第一張EP。

BV: 你地組成呢8年來, 有冇覺得band界有d咩改變? 有冇d咩感想?
N: 我地會覺得band界流行既曲風有改變，8年前我地初初出黎夾band其實都算係J rock既天下，近年反而係pop rock多左，同時Jazz funk都唔少。同埋以前大小型既band show都比較多，而家感覺上band show形式上都有D改變，有時候會覺得而家比以前做得比較商業同主流一D。

BV: 有冇d咩野係你地一直好希望可以做, 但目前仍然未能實現到架?
N: 除左出EP之外就係希望可以出國演出啦，我地一直都未試過既，好想見識下外面既世界。

BV: 不如你介紹一下你地既作品，AGAINST ~the Brazen~丫
N: 關於呢隻歌其實係眼見而家呢個社會越來越荒謬，一D無乜能力既人竟然可以掌權，仲要成日講埋D厚顏無恥既說話，以為自己係神。
同時想喺首歌度表達大家唔可以自我放棄，要自強不息，盡自己既每一分力去改變世界。

AGAINST ~the Brazen video:

 FB page:

 Youtube channel:

張貼者： 於 沒有留言:
標籤： , , , , ,
訂閱： 文章 (Atom)